دهـب
" خُذنِى إليكَ مْنِّىِ .. وأرزُقْنىِ الفنَاءْ عَنىِ .. ولا تَجْعَلَنىِ مَفْتُوناً بِنَفْسىِ .. مَحْبُوباً بِحْسىِ .. وإِكْشِفْ لىِ عَنْ كُلِ سِرٍ مَكْنُونْ .. " مولانا أبراهيم الدسوقى ..
الكلام جميل .. بس الأحاسيس زى السهام بتخترق قلبك .. والناس قصص ماشية على رجلين .. والكون تراكات .. كل تراك قصة .. ساعات ندخل فى قصه مع حياة الآخرين أو الآخرين يدخلوا فى حياتك ويبقوا جزء من قصتك .. وفى الآخر بنبقى ذكرى .. لكن الواحد عمرة ماهيعرف إمتى بيتشابك مع قصة لغيرة أو إمتى بتداخل قصص غيرة فى قصتة ..
القلوب زى الأوانى .. والأيام هى اللى بتملانا بالأحاسيس .. المشاعر .. المواقف .. الذكريات .. والعيون شوافه على رأىء الصياد اللى قابلناه ع البحروهو بيسحب شبكته .. عمره ماسأل رزقه هيكون إيه النهارده بس يعرف يوزن اللى قدامه .. والمواقف والذكريات حياة .. هى اللى بتخلى واحد مختلف عن واحد فى وجهات نظرة .. أو يمثل طول الوقت عشان يحمى نفسه زى فاتن بتاعة المطعم راكور الغدا .. أو زى منى مبتتكلمش إلا لما ترقبك كويس وتعرفك وبعدين تحدد نسبة تمثيلها حسب نسبة وضوحك بالنسبه لها .. متهىء لى ده اللى بيحصل لما بنعرف ناس اونحب ناس او ناخد مواقف من ناس .. أونبقى قلبنا على ناس كانت قبل كده بتعدى قدمنا عادى جدا ولابنحس تجاهها بأى شىء .. لكن بعد كده بتبقى جزء من حياتنا .. مشاكلهم .. همومهم .. حتى احلامهم بتبقى جزء من حياتنا وهمومنا .. وبتبقى احلامنا اننا نشوفهم سعداء برغم انهم ممكن مايكملوش معانا او حتى ينسوا انهم اتعرفوا علينا .. لكن بيمشوا ويسيبوا لنا ذكريات بقت جزء من حياتنا ..
***
أزال أحد مشرفي المدونة هذا التعليق.
ردحذفتعبر عن ما يكمن داخلنا وما نحتاج اليه
ردحذفولك اطيب التحيات والامنيات واحلي التجليات
واتمني التعاون جدا جدا
تكتب مانعيشه داخلنا وما نعيشه خارخنا
ردحذفواطيب التحيات والتمنيات بأجمل التجليات
تكتب ما نشعر به
ردحذفاطيب التمنيات بالنجاح ودوام التجليات
اشكر لك ذوقك الجميل وتعليقك .. الف مرحبا بك صديقة .. اعتبرى المدونة مدونتك .. واكتبى مايجول بخاطرك ..
ردحذف