شخصيات

شخصيات

الشخصيه الأولى .. حاجات ..

........................

يلزمه شىء م الحاجات ..

اصل الحاجات نعمه ..

واللى مالوش ف الحاجات ..

عايش بلا معنى ..

ــــــــ

اللوحه للفنان العالمى الأسبانى الجنسيه سلفادور دالى

**

الشخصيه التانيه .. باص وورد ..

........................

انت وجود ..

بس كيانك كون محدود ..

حاسس إن اللـه موجود ..

عيش فى اللـه ..

عيش باللـه ..

وأنت تحسه كيان موجود ..

وماتعمليش اسوار وسدود ..

انت وجود ..

**

الشخصيه التالته.. سنعمل جاهدين ..

........................

الكلام مابقاش موقع ..

والفراغ ف الكون مشبع ..

واللى جاى من يمك انتى ..

مش بيجى لا بيرجع ..

**

الشخصيه الرابعه.. إنه ..

....................

لو أنه يعلم أنه لايعلم .. 

لكنه يرفض كونه أنه لايعلم ..

لكنه لايعلم ..

-  أفهم بس ..

الكل لديه لايعلم .. 

لكنه لايعلم أنه لايعلم ..

فسبحان من لديه العلم كله ..

ــــــــــــ

الصوره ليست للشخصيه التى اتحدث عنها ولكنى وجدتها مناسبه

**

الشخصيه الخامسه .. تاريخ ..

..................

لم يكن عمله صنع التاريخ ..

لكنه أحب حتى عشق ..

فأصبح جزءاً من تاريخ ..

**

الشخصيه السادسه .. همجى ..

............................

     - إستنى لغايه ماتبعد عن المشاكل عشان تقدر تكون عنه وجهه نظر محايده ..

أكتشف ساعتها بس أنه كل مايبعد يكتشف قد ايه كان همجى .. 

لم يترك له الا الذكرى الحقيره بعد ماكسر كل قزاز العلاقات الأنسانيه ومشى ..

      - تفتكر ممكن يكلمه بعد كده .. 

**