إنطباع ..

.................

     رغم قراءاتى الكثيره لكتب لم أعد أتذكر ما فيها لكنها تأتينى عندما أتحدث مازلت أعشق المعرفه .. والناس معارف تمشى على الأرض .. والمعرفة حياة وهموم لاتنتهى الإ بمعرفة أخرى ..

     مازالت عيناها تراودنى .. ومازلت أجيب على أسئلة عالقة فى مقلتيها لا تنتهى وسؤال ظل داخلى يجبن عن الخروج .. أو ما أراه حقيقى .. أم أنى أتعجل الطيران .. ومازال صاحبه ينظر الى كمجنون ..

- انت عارفها كويس ..

- لأطبعا مش عارفها كويس .. بس عارفها كويس ..

- مش بقولك انت فيك حاجه مش طبيعيه ..

     ومضى وهو يحدث نفسه .. أما هو ظل يلقى بكل جوانبه بين يديها وكأنه يتعجل صنع تاريخ بينهما ..- شىء من العشره اللى بيتكلموا عنها -.. تصرفات ومواقف بتوضح للأخر الأخر .. لتدوم المعرفة وتنمو ..

- ماتبصليش كده .. ماتحسسنيش إن أنا بنى أدم مش عادى .. دائما مانلاقى بعضنا البعض بأحسن ماعندنا كى تحدث المخالطة ونذوب سريعا ..

- تعرف إنى حاسه إنى عارفاك من زمان ..

- يعنى هى تصرفاتى معاكى بتاعة واحد لسه عارفاه دلوقتى ..

- لا ..

- معرفة خير إن شاء الله ..

     وضحكا حتى إمتزج ضحكهما معا وهما يشقا طريقهما فى شوارع وسط البلد ..

***